سفاح كرموز ـ 22 جريمة قتل

  عُدنا إليكم مجدداً بواحدة من أجمل قصص الرعب وإليكم الجزء الثاني من قصة الطبيب الملعون مكتوبة إليكم طبقاً لأحداثها بالفعل.

• ظهور عمليات جراحية مفاجأة

 من أكتر الأمور الغريبة اللي تمت بعد إختفاء وفيق هي عمليات جراحية كانت بتتم في محيط المنطقة واللي قام بيها مجهول، كانت شديدة الدقة وده بشهادة الأطباء إنها كانت متطورة جداً، العمليات الجراحية ظهرت فجأة وكانت عبار عن جرح ناحية الصدر ومتخيط ولما بيفتحوا الجرح بيلاقوا إن القلب مش موجود... حصلت لأكتر من شخص في محيط الشقة اللي كان ساكن فيها وفيق.

• آخر ساكن للشقة

 آخر واحد قعد هناك كان من عشر سنين بيقول إنه كان من العادي جداً إنه يشوف راجل غريب في البيت، راجل قديم جداً من هيئته  وده مش مرة ولا اتنين.. واللي كان مخليه مستحمل إن الإيجار رخيص جداً.. في يوم من الأيام شاف في الحلم إنه واقف مع الراجل ده في الصالون وكان بيهدده بالقتل، الغريب بجد إنه لما صحي  من النوم لقي نفسه نايم في غرفة تانية غير اللي كان نايم فيها قبل الحلم، قرر فجأة إنه يلم حاجته ويمشي من البيت خالص والطيب أحسن.. وهو نازل لقي علي السلم ناس وبيقولوها صراحة كدة " إحنا ناس متاخد مننا حاجات والحاجات دي واحد خدها من زمن ومخبيها فوق السطوح يابني ده واخد عضمنا

 " 

• فاضل حسنين - ساكن في الخمسينات

نروح لسنة 1950 ميلادي وأستاذ فاضل حسنین موظف في السجل المدني كان ساكن في شقة قريبة من شقة الدكتور وفيق وبيقول إنه كان واقف بعد نص الليل في البلكونة في فترة أول ما جه هنا في المنطقة وشاف واحدة ست شعرها منكوش سنها سبعينية ماشية في الشارع ولقاها بتدخل الحيطة وتختفي!.. أيوه اللي قريته بتختفي.. وفي يوم شافها تاني لكنها المرادي جاتلوا في الحلم وقالتلوا إن ليها عضم متاخد من قبرها وإنها ميتة من 1705م وإنها من ريف مصري داخل الدلتا

من الواضح جداّ إن وفيق جاب فعلاً عضم وجماجم عشان يعمل  زي ما الكتب بتقول.. وفي فترة الخمسينات إنتشرت قصة واحدة  ست شعرها منكوش وإسمها أمنا الغولة وكانوا بيقولوا إن القصة قديمة ورجعت تاني تتحكي وسط الناس عشان بقت بتتشاف كتير.. وبقت بتظهر في القاهرة عادي مش الأرياف بس، ناس بيقولوا إنهم بيشوفوها متواجدة علي أسطح العمارات أو بتمشي .في الشارع بليل وخليك فاكر دايما إن شعرها منكوش